Saleh Aliyu
Ibrahim Muhammad Kano
Tsohon mataimakin shugaban ƙungiyar masu harhada magunguna na ƙasa, kuma shugaban ƙungiyar Community Permacy na jihar Sakkwato, Pharmacy Ibrahim Halliru Binji ya bayyana taron da ake na ƙungiyar masu harhaɗa magunguna na ƙasa PSN karo na 98 a jihar Kano da cewa komai na tafiya yadda ya kamata a taron.
Ya bayyana hakan ne da yake zantawa da ‘yan jarida a yayin taron ƙungiyar ta masu haɗa magunguna da ke gudana a jihar ko Kano ya ce su a jihar su ta Sakkwato, ƙungiyar tana samun cigaba sosai da haɗin kai yanzu haka ma su 40 suka zo taron na ƙasa daga Sakkwato daga cikinsu sama da 100.
Da ya juya kan lamarin gurɓatattun magaguna da ake samu a ƙasar nan ya ce abu ne mara kyau mara daɗi, kuma ya san gwamnati tana mutuƙar ƙoƙari domin kawar da lamarin, amma dai yana da kyau ta ƙara himma sosai domin akwai iyakoki da ake shigowa da su ta ciki ta hanyar da ba ta dace ba.
Pharmacy Ibrahim Halliru Binji ya ce, akwai mahalarta taron da suka kai kusan 2,500 da suka zo daga Sakkwato, kuma jihar Kano ta karɓi baƙuncinsu masu halartar taron da karramawa, don haka ya yi kira a kan ƙarin samun haɗin kai a tsakanin ‘yan ƙungiyar a ƙasa baki ɗaya domin cimma nasara samar da magunguna ingantattu.
Gazali Haruna
